Photos Collected from different Instagram Account using  #shangpung

Ka wah umiurem.... 

Ha chnng shanpung ia pha wa chem;

 Ha pha wa tuid ki um wa khuid wa jngiar.

 Ia ka chnng shangpung pha wa ker tawiar; 

Pha man pho kam ka nongbsa um ia ka chnng iong i.

 Ha pha em ki doh um doh wah dakha,dathli;

 Ha wa uiñ ke talawiar iong pha

, Ka mynsien dap de kmen de snw bha ; 

Ha pha em ki kshaid,wa ki hali,

 Ka pyn yo suk ia ki khmat iong i;

 Ha pha em ki lei wah wa tuid ha pha, 

Ia kate ka thaw ki khut ka leichka; 

Ha pha em ki chyiap ki wa miat wa bha

,Ki nng chng chnng ki pyn em kam ia ka;

Ha pha em ki thaw sait thad,

thaw sum wa paka,

Ki nng chng chnng iong i ki pyn em kam ia ka;

Ia pha i ri sumar pynkhuid pynjngiar ,

wym hoi u leh jakhlia jakhlait sawdow talawiar;

Ki nng chng ki ioh um na pha ,

Dng ktni chooh ia ka um wym boi pyrwa;

Ha wa em i cha v chnng wymbiang um,

Ia pha i wa kynmo,made jan pho te na pha u lai tong um;

Tieñ sar boi daw poi i por u duh ia pha,Ia ki nng chng chnng pha pynsaja;

Kam ki nng chng chnng shangpung wa maya,

To iada ia ki daiñ,ki siej wa em ha ka;

Khnng ioh u neh ka um ,ki dak dathli ha ka;

Wymhoi u tih kyndaw pynjot ia ki lum ki wah,

Ioh u neh yow ioh um ktwa i kwah;

Ka chnng shangpung iong i da sdng choh ko u heh u kmai,

To pait bha ia ka umiurem toh u pynneh janai;

Wymhoi u pyntuid jakhlia jakhlait cha ka,

Ioh u man ko ka um ka wa khuid wa suba; 

Ka wo pynim wo bsa ia i waroh chi rta..Khublei chibun.